Халықаралық ғылыми-практикалық конференция
«Мүмкіндігі шектеулі балаларды білім беру процесіне кіріктірудің негізгі шарттары: пәнаралық тәсіл және ведомствоаралық өзара іс-қимыл»

Өтетін күні: 2026 жылғы 29-30 қазан

Өтетін орны: Алматы қ., DoubleTree by Hilton Almaty қонақүйі, Досмұхамедов көшесі, 115

Қатысушыларды тіркеу: 8:45

Конференцияның басталуы: 9:30

Конференцияға қатысу тегін!

Барлық қатысушылардан тіркеуден өтуді сұраймыз.
Офлайн-форматтағы қатысушыны тіркеу Спикерді тіркеу

Құрметті әріптестер!

ӘБЕО орталығы Сіздерді


Орталықтың 30 жылдығына және оның директоры – педагогика ғылымдарының докторы, профессор Сулейменова Роза Айтжанқызының 80 жылдық мерейтойына арналған


«Мүмкіндігі шектеулі балаларды білім беру процесіне кіріктірудің негізгі шарттары: пәнаралық тәсіл және ведомствоаралық өзара іс-қимыл» тақырыбындағы халықаралық ғылыми-практикалық конференцияға қатысуға шақырады.


Конференция 2026 жылғы 29–30 қазанда Алматы қаласында өтеді.

Өтетін орны: Алматы қ., DoubleTree by Hilton Almaty қонақүйі, Досмұхамедов көшесі, 115.

Конференцияда келесі мәселелерді талқылау жоспарлануда:
  • Инклюзивті білім беру: үрдістер, сын-қатерлер және шешімдер
  • Ерте анықтау, араласу және қолдау көрсетудің тәжірибесі мен практикасы
  • Мүмкіндігі шектеулі балаларды оқытатын педагогтардың кәсіби дамуы: құзыреттіліктер мен тәжірибе
  • Дамытушы орта мен ассистивті технологиялар – мүмкіндігі шектеулі балалардың өмір сапасын арттыру және білім беру үдерісіне кіріктірудің негізгі жолы
Министрліктердің өкілдерін, білім беру, әлеуметтік қорғау және денсаулық сақтау басқармаларының басшылары мен мамандарын, мектепке дейінгі, жалпы білім беретін және арнайы білім беру ұйымдарының директорларын, меңгерушілері мен педагогтерін, педагогикалық жоғары оқу орындарының өкілдерін, арнайы педагогтер, сурдолог дәрігерлер, невропатологтар, эпилептологтар, психиатрлар, неонатологтар, педиатрлар, реабилитологтар, психологиялық-медициналық-педагогикалық консультация (ПМПК) мамандарын және ерте араласу орталықтарының қызметкерлерін, қоғамдық ұйымдар мен ата-аналар қауымдастығының өкілдерін конференцияға қатысуға шақырамыз.

Конференция аясында «Заттық-кеңістіктік дамыту ортасын құруға арналған жабдықтар және техникалық оңалту құралдары» атты көрме ұйымдастырылады.
Спикерлер үшін
Баяндаманың тақырыбы мен аннотациясын 2026 жылғы 15 тамызға дейін жіберулеріңізді сұраймыз
Алматы қаласындағы офлайн форматта қатысушылар үшін
Тіркеуден өтуіңізді сұраймыз
Онлайн форматта қатысу үшін
Конференция күні біздің YouTube арнамыздағы тікелей эфир трансляциясына қосылыңыз
  • Сулейменова Роза Айтжанқызының құттықтау сөзі
    Құрметті әріптестер мен достар!
    Сіздерді ӘБЕО орталығының мерейтойлық конференциясына қатысуға шақырамыз. Бұл конференция біздің көпжылдық қызметімізді қорытындылауға және саралауға арналған маңызды кезең болмақ. Сонымен қатар конференция тәжірибе алмасып, заманауи үрдістер мен өзекті мәселелерді талқылауға арналған кәсіби алаң қызметін атқарады.
  • Орталықтың тарихы
    ӘБЕО орталығы 1996 жылы құрылды және арнайы білім беру жүйесіндегі көптеген бағыттың бастамашысы болды. Орталық мүмкіндігі шектеулі балалар мен ересектерге түрлі қызмет түрін көрсетеді.
    Іске асырылған ірі жобалар қатарына:
    ерте араласу, әлеуметтік жұмыс, инклюзивті білім беру, түзете-дамыту ортасын ұйымдастыру, мүмкіндігі шектеулі тұлғалардың өмір сапасын арттыру, оқыту және оңалту үдерісі, заманауи техникалық құралдарды қолдана отырып жаңа педагогикалық технологияларды енгізу жұмыстарын атап айтуға болады.
    ӘБЕО орталығының негізгі мақсаты – мүмкіндігі шектеулі балалардың сапалы білім алуына жағдай жасау және түзете-дамыта оқыту мүмкіндігін қамтамасыз ету.
  • Орталықтың ұйымдастырушы және басшысы
    Роза Айтжанқызы Сулейменова – педагогика ғылымдарының докторы, профессор, Қазақстандағы арнайы білім беру жүйесінің негізін қалаушылардың бірі.
    Ол білім мен ғылымды дамытуға қосқан зор үлесі үшін «Құрмет» орденімен, «Білім беру ісінің үздігі», «Ы. Алтынсарин» медальдарымен, «Қазақстан Республикасының ғылымын дамытуға сіңірген еңбегі үшін» төсбелгісімен, ҚР Білім және ғылым министрлігінің Құрмет грамотасымен, «Ерен еңбегі үшін» мемлекеттік медалімен марапатталған.
  • ӘБЕО орталығының академиясы
    Орталықтың жұмысында мамандардың біліктілігін арттыруға, тәжірибе алмасуға, арнайы және инклюзивті білім берудің өзекті мәселелерін талқылауға бағытталған білім беру іс-шаралары маңызды орын алады.
    Орталық халықаралық ғылыми-практикалық конференциялар, семинарлар мен вебинарларды ұйымдастырады. Бұл іс-шаралар тегін негізде ұйымдастырылады және арнайы білім беру жүйесін, сондай-ақ даму бұзылыстарын ерте анықтау, баланың дамуын дер кезінде қолдау және оларды білім беру үдерісіне кіріктіруге қатысты сабақтас бағыттарды дамытуға үлес қосады.
    Конференция, семинар және вебинар жазбаларын Орталықтың YouTube арнасынан көре аласыздар.

Соңғы конференцияның жазбасы

Youtube
Өтетін орны:
Алматы қ., DoubleTree by Hilton Almaty қонақүйі, Досмұхамедов көшесі, 115

Қосымша сұрақтар бойынша: +77273958326 телефон нөмеріне info@satr.kz электрондық пошталарына хабарласуларыңызды сұраймыз